16 Шыжа

16 Шыжа — григориан кечышот почеш идалыкын 289-ше (кужемдыме ийлаште 290) кечыже. Идалык пытыме марте 76 кече кодеш.

Пайрем-влак

• ООН — продовольствий – кочкыш йорвар – кече палемдалтеш.
• ООН — Анестезиолог-влакын пайремышт.
• Вуйлатыше-влакынат пайремышт. Вес семынже ты кечын Шефын але Боссын кечыже маныт.

Лӱмгече

Шыжа тылзын латкудымшо кечынже Денис, Павел, Пётр да Йыван – влакын лӱмгечышт.

Мо лийын

Тыгак ончо: Категорий:16 Шыжа Мо лийын

• 1962 ий — «Юность» радиостанций икымше гана эфирыш лектын.
• 1964 ий — Китайыште икымше атом бомбын испытанийже эртен.

Кӧ шочын

Тыгак ончо: Категорий:16 Шыжа Кӧ шочын

• 1925 ий — Борис Шингареевич Шингареев, туныктышо, краевед. Марий Тӱрек кундем Мариец посёлкышто шочын. Кугу Ачаэл сар корным эртен. Шке шочмо кундемыштыже журналист, комсомол, партий, профсоюз пашаеҥ семын тыршен. 1962-шо ий гыч туныктымаш пашаш куснен. Тӱҥ шотышто Борис Шингареевич амалкалымаш, йӧндартыш, ялозанлык историйым шымлен. «Время и люди», «Земля и люди», «Сыны Отечества» книга-влакын авторжо.
• 1953 ий — Ольга Леонидовна Воскресенская, туныктыш пашаеҥ. Шернур кундем Шокшем Памаш ялыште шочын. Паша корныжо Марий кугыжаныш университет дене кылдалтын. Ботаник кафедрын доцентше. Биологий шанче кандидат.
• 1954 ий — Наталья Николаевна Глухова, туныктыш пашаеҥ. У Торъял кундем Пектубаево селаште шочын. Кӱшыл шинчымашым Марий кугыжаныш педагогик институтышто налын. Москвасе кугыжаныш пединститутышто аспирантурышто тунемын. 80 наре шымлыме пашам серен. Филологий шанче доктор, профессор.

Кӧ колен

Тыгак ончо: Категорий:16 Шыжа Кӧ колен

Калык пале

Денисын кечыже. Тиде кечын кеч-кöланат пеш вашке шинча возын кертеш манын шоненыт. Садлан пелен могай-гынат аралтышым налыныт.

	16 Шыжа Викиклатыште?