Хлебников, Евгений Афанасьевич

Википедий — эрыкан энциклопедий гыч материал
Евгений Афанасьевич Хлебников
Евгений Хлебников
Шочын: 1939 ий 8 шыжа(1939-10-08) (84 ий)
Шочмо вер: Марий АССР, Кужэҥер кундем, Лажмучаш ял
Колен: 2011 ий 14 пургыж(2011-02-14)
Колымо вер: Йошкар-Ола
Эл: Совет Ушем Совет Ушем
Россий Россий
Шанче алан: йылмызе, туныктышо
Шанче степень: философий шанче кандидат
Чап пӧлек да премий «Йыван Кырля 1909—2009» шарнымаш медаль, Марий Эл Республикысе С.Г. Чавайн лӱмеш Кугыжаныш премий, Марий АССР Президиум Верховный Советын Чапкагазше
Кышкар:Аҥа/Викицитатник
Евгений Афанасьевич Хлебников

Евгений Хлебников (Евгений Афанасьевич Хлебников) (1939 шыжа 8, Марий АССР, Кужэҥер кундем, Лажмучаш ял —14 пургыж 2011, Йошкар-Ола) — йылмызе, шанчызе, туныктышо, мер пашаеҥ, философий шанче кандидат, Марий Эл Республикысе С.Г. Чавайн лӱмеш Кугыжаныш премийын лауреатше (2011).

Илыш корныжо[тӧрлаташ | кодым тӧрлаташ]

Евгений Хлебников 1939 ий шыжа тылзын 8-ше кечынже Марий АССР, Кужэҥер кундем, Лажмучаш ялеш шочын.
Евгений Афанасьевич Кужэҥер кундемысе Йывансола кыдылаш школым шӧртньӧ медаль дене тунем пытарымек, Н.К. Крупская лӱмеш Марий кугыжаныш педагогике институтышто шинчымашым поген. Паша корныжо Кужэҥер кыдалаш школышто тӱҥалын. Тушто Евгений Афанасьевич химийым да биологийым туныктен. Тидын деч вара у Оршанке педучилищышке пашаке куснен. Тушто куд ий туныктышылан, завучлан пашам ыштен. Коло ий партий пашате лийын: КПСС обком лектор, Морко райком секретарь, кокымшо секретарь. Обкомышто пропаганда да агитаций, шанче да тунемме заведенийым вуйлатен.

90-ше ийлаште «Мариэнергон» тӱҥ вуйлатышын алмаштышыже пашам шуктен.

Эн кугу надыржылан марий кадырым ямдылыме да кугу илыш корнышко лукмо пашам шотлен, тыгак марий йылмым шыҥдарымаште шуко ыштен. Тудын илыш девизше тыгай лийын: «Полшо чылалан, поснак марий-влаклан».

Кужэҥер марий улмыж дене да иквелчыже-влакше дене эре кугешнен илен. Район нерген кок ий жапыште 30 наре статьям савыктен. 2011 ийыште Евгений Афанасьевич илыш дене чеверласен, но калыкын шарнымаште поро кышам коден.

Шанче пашаже[тӧрлаташ | кодым тӧрлаташ]

Общественный наука Академийым пытарен, философий шанче кандидат. Шым книган авторжо. 1985 ийыште икмыняр автор дене пырля «Родниковый край» книгам-альбомым луктын. Тыгак Марий кугыжаныш университет нерген вич книгам чумырен луктын. Нунын кокла гыч «МарГУ – 35 лет» книга-альбом, «Университеты финно-угорского мира», «Кужэҥер кундем» да т.м.

Евгений Хлебниковын "Кужеэҥер кундем" книгаже.

Ятыр ий Кугу Отечественный сарыште сеҥымаш верч республикын пыштыме надырже нерген «Книга памяти», «Они защищали Родину», «Они ковали победу» (кажныже 16 томан) книга-шамычым ямдылыше да савыктыше редколегийын членже лийын.

Чап[тӧрлаташ | кодым тӧрлаташ]

Кылвер-влак[тӧрлаташ | кодым тӧрлаташ]

Литератур[тӧрлаташ | кодым тӧрлаташ]

  1. Евгений Хлебников Кужэҥер кундем. Йошкар-Ола, 2011.