Тӱнямбал эҥыремышвот

Википедий — эрыкан энциклопедий гыч материал

Тӱнямбал эҥыремышвот але тыглайрак вот (англичанла World Wide Web, WWW, Web) — интернетыште ваш-кылдалтше гипер-лаштыкын радамлыкше. Вот-браузер полшымо дене кажне вотлаштык-влакым ончен кертеш. Вотлаштыкыште текст, сӱрет, видео да вес мультимедиа лийын кертеш. Ик вотлаштык гыч весыш гиперкылвер гоч куснаш лиеш. 1989 ийын Ага тылзыште англичан энжинер да компуче шанчызе Тим Бернерс-Ли (англичанла Sir Tim Berners-Lee) темлымашым возен. Тиде темлымаш кызытсе Тӱҥямбал эҥыремышвотлан негызым пыштен, а Тим Бернерс-Ли кызыт Тӱҥямбал эҥыремышвот консорциумын (англичанла World Wide Web Consortium) директоржо улеш.