Сунгурова, Раисия Борисовна
| Раисия Борисовна Сунгурова | |
|---|---|
| Раисия Сунгурова | |
 | |
| Шочмаш дене лӱм | Раисия Борисовна Сунгурова |
| Шочын | 1987 ий 20 кылме (36 ий) |
| Шочмо вер | РСФСР, Марий АССР, Поранча кундем, Олор ял |
| Эл | |
| Тыршымаш алан | серызе |
| Йоча-влак | Марис (2015), Илавий (2018) |
| Чап пӧлек да премий |
Петров Иван Петрович (1893–1938). Марий Эллан шӱдӧ ий темме лӱмеш «Калык верч тыршымаш» шарнымаш медаль |
Раисия Сунгурова (Раисия Борисовна Сунгурова) (1987 кылме 20, РСФСР, Марий АССР, Поранча кундем, Олор ял) — марий серызе, почеламутчо, мер пашаеҥ, Россий Серызе-влак ушемын йыжъеҥже (2019), Ханты-Манси автоном йырвел – Югра кундемысе «Марий Ушем» мер организацийын вуйлатышыже (2011 ий гыч), Марий Эл Республикысе Олык Ипай лӱмеш Кугыжаныш самырыктукым премийын лауреатше (2016).
Илыш корныжо[тӧрлаташ | кодым тӧрлаташ]
Раисия Сунгурова 1987 ийын кылме тылзын 20-шо кечынже Марий АССР Поранча кундем Олор ялеш шочын.
Кум книган авторжо, Россий Серызе-влакын ушем член, тыгак мэр пашаеҥ: ВийАр-ын йыжъеҥже (2007), Ханты-Манси автоном йырвел – Югра кундемысе «Марий Ушем» мер организацийын вуйлатышыже (2011 ий гыч).
2010 ийыште Марий кугыжаныш университетым тунем лектын. Икымше лектышыже студент пагытыште, 2008 ийыште, тунам, университет пеленсе «Поэзий шепкаште» сылнымут кружокын кышкарыштыже презентоватлалтын. Тиде «Ош шовычан у эр» – поэме да почеламут-влак книга.
2015 ийыште Р. Сунгурован рукописьше марий сылнымутчо Светлана Эсауловам шарныме лӱмеш «Светлана» конкурсышто сеҥышыш лектын. Тылеч вара, 2016 ийыште, «Светланан книгагудыжо» серийым почшо, «Чайгоркаште сандалык» почеламут сборник печатлалтеш. Кокымшо мутсаска Эстон Родо-тукым программын 2016 ийысе сылнымут премий дене палемдалтын.
2017 ий мучашыште автор лудшыжо-влаклан кумышо лектытышым темла – «Кава вола копаш». Тыште самырык поэт марий поэзийыште кучылтдымо верлибер жанрымат устан кучылтеш. Ты книга Финн-угор литератур фондын стипендий полышыж дене савыктыме.
2019 ийыште мер пашажлан Марий Эллан шӱдӧ ий темме лӱмеш «Калык верч тыршымаш» шарнымаш медаль дене палемдалтын.
Раисия Борисовна 2010 ий гыч Сургут олаште ила (ХМАО-Югра), Сургутысо Марий Ушем организацийын да "ЮМарий" этнокультур коллективын вуйлатышыже.
Еш[тӧрлаташ | кодым тӧрлаташ]
- Пелашыже, Петухов Борис Юрьевич (1984 ийыште шочын).
- Икшывыже-влак: эргыже – Марис (2015); ӱдыржӧ – Илавий (2018).
Чап[тӧрлаташ | кодым тӧрлаташ]
- Марий Эл Республикысе Олык Ипай лӱмеш Кугыжаныш самырыктукым премий[1] (2016).
- Эстон Родо-тукым программе сылнымут премий (2017).
- Россий Серызе-влак ушемын йыжъеҥже (2019).
- Петров Иван Петрович (1893–1938). Марий Эллан шӱдӧ ий темме лӱмеш «Калык верч тыршымаш» шарнымаш медаль[2] (2019).