Пушкина, Наталья Васильевна

Википедий — эрыкан энциклопедий гыч материал
Перейти к навигации Перейти к поиску
Наталья Васильевна Пушкина
Наташа Пушкина
Наташа Пушкина.jpg
Тыршымаш алан:

мурызо, радиовӱдышӧ, сценарист, режиссёр

Шочын:

1979 ий 18 идым(1979-09-18) (40 ий)

Шочмо вер:

РСФСР, Марий АССР, Морко кундем, Марий Кужер ял

Гражданство/Подданство:

Совет Ушем Совет Ушем
Россий Россий

Ача:

Пушкин Василий Михайлович

Ава:

Пушкина Нина Николаевна

Пелаш:

Чемышев Андрей Валерьевич

Йоча-влак:

Эрвина (2019)

Чап пӧлек да премий:

Марий Эл Республикысе тӱвыран сулло пашаеҥже Марий Эл Республикысе Олык Ипай лӱмеш Кугыжаныш самырыктукым премий
Марий Эл Республик Виктерын Чапкагазше

Наташа Пушкина (Наталья Васильевна Пушкина) (1979 идым 18, РСФСР, Марий АССР, Морко кундем, Марий Кужер ял) — радиовӱдышӧ, сценарист, режиссёр, мурызо, мер пашаеҥ, «Марий Эл Радио»-н тӱн редакторжо (2005–2015), Марий Эл Республикысе Олык Ипай лӱмеш Кугыжаныш самырыктукым премийын лауреатше (2006), Марий Мер Каҥаш-ын йыжъеҥже (2008) ий гыч, Марий Элысе «Республикысе Марий тӱвыра рӱдер»-ын директоржо (2015 ий гыч), Марий Эл Республикын шымше созыв Кугыжаныш Погынжын депутатше (2019 ий гыч), Марий Эл Республикысе тӱвыран сулло пашаеҥже (2020).

Илыш корныжо[тӧрлаташ | вики-текстым тӧрлаташ]

Наташа Пушкина 1979 ийын идым тылзын 18-ше кечынже Морко кундем Марий Кужер ялеш шочын. Визымше классыште тунеммыж годым ешыж дене пырля пошкудо Ердӱр ялыш илаш куснен, санденак, южгунам Наташа Пушкинан шочмо верже семын Ердӱр ялым возат.

  • 1997 – 1999 ийла – Йошкар-Оласе 16-шо №-ан Чоҥышо управленийын штукатур-малярже.

Наташа Пушкина «Саскавий» ӱдырамаш ушемын йыжъеҥже. «У вий» самырык-влакын ушемыштлан негызым пуышо-влак коклаште лийын. Марий КВН-ым лач тудак шке йолташыж-влак дене пырля тӱҥалын. У семын шонымыж дене марий концерт да дискотеке-влаклан у шӱлыш дене у сыным пуэн, у формат-влакым тӱвыра мероприятий-влаклан темлен. Тыгак, икымше марий мюзиклым тудын сценарийже почеш шындыме.

Тукымлӱм нерген[тӧрлаташ | вики-текстым тӧрлаташ]

Тукымлӱмжым ачаж деч налын, ачаже – коваж деч. Ачаже интернатыште кушкын, тушто тудым кован фамилийже почеш возеныт. Марлан лекмыж деч вара тудо Эстонийыш стажировкыш ик ийлан кайышаш лийын. Чыла кагаз-влакым ӱдыр фамилийжылан возеныт, сандене, ЗАГС-ыште шке фамилийжым вашталтен огыл. Йошкар-Олаш пӧртылмыжо деч вара ты фамилий денак кодын.

Муро-влак[тӧрлаташ | вики-текстым тӧрлаташ]

Наташа Пушкина мурызо семын шуаралтеш. Чыныжым, тиддеч ончычат ятыр муро-проектлаште йӱкшым колышташ йӧн лийын, но 2010 ий гыч сольный проектшым тӱҥалеш. 2012 ий гыч эше «Волгыдо» эстраде муро ансамбльым чумыра, тудын дене пырля гастрольлашке коштеш. Дмитрий Чайников, Володя Матвеев дене пырля мурым возен.

Дискографий[тӧрлаташ | вики-текстым тӧрлаташ]

  • «Йоча муро» – кок дискан йоча-влаклан пӧлеклалтше муро-караоке проект.

Еш[тӧрлаташ | вики-текстым тӧрлаташ]

  • Ачаже – Пушкин Василий Михайлович, агроном, ферме вуйлатыше.
  • Аваже – Пушкина Нина Николаевна, бригадир, клуб вуйлатыше.
  • Пелашыже – Чемышев Андрей Валерьевичшанчызе, компьютерный лингвист, ЙСИШМИ-н шанче пашаеҥже.
  • Ӱдыржӧ – Эрвина (2019).

Чап[тӧрлаташ | вики-текстым тӧрлаташ]

Кылвер-влак[тӧрлаташ | вики-текстым тӧрлаташ]

Важ-влак[тӧрлаташ | вики-текстым тӧрлаташ]

  1. Лауреаты премии имени Олыка Ипая. Библиографический указатель. Национальная библиотека им. С.Г. Чавайна. Йошкар-Ола. 2012. C. 88–89.
  2. Указ Главы Республики Марий Эл от 25 марта 2020 г. № 55 «О присвоении почетного звания «Заслуженный работник культуры Республики Марий Эл» Николаевой Р.П. и Пушкиной Н.В.».