Онаеҥ

Википедий — эрыкан энциклопедий гыч материал
Mari karts.jpg

Онаеҥ, Карт кугыза (рушла Жрец) — Чимарий кумалтышыште йӱлам шуктышо еҥ. Вуйышкыжо теркупшым чийышаш.

Пашаже[тӧрлаташ | вики-текстым тӧрлаташ]

Карт кугыза-влаклан ӱссӧ-влак полшат. Вара ӱссӧ-влак гыч еҥ онаеҥат лийын кертеш. Карт-влакым Погын ойыра. Тӱҥ шотышто онаеҥлан илалшырак, шотан пӧръеҥым ойырат. Онаеҥ марий юмынйӱлам палышаш, писын да раш ойлен моштышаш, илышыже шотан лийшаш. Ожно онаеҥ шочшо-влаклан лӱм-влакым пуеден, сӱаныште сугыньым пуен, колышо-влакым пытартыш корныш ужатыме мутым ойлен.

Кылвер-влак[тӧрлаташ | вики-текстым тӧрлаташ]