Михеев, Николай Иванович

Википедий — эрыкан энциклопедий гыч материал
Перейти к навигации Перейти к поиску
Николай Иванович Михеев
Николай Михеев
Шочмаш дене лӱм:

Николай Иванович Михеев

Тыршымаш алан:

серызе, почеламутчо

Шочын:

1959 ий 13 шорыкйол(1959-01-13)

Шочмо вер:

РСФСР, Марий АССР, У Торъял кундем, Масканур сола

Гражданство/Подданство:

Совет Ушем Совет Ушем
Россий Россий

Колен:

2002 ий 14 пеледыш(2002-06-14) (43 ий)

Колымо вер:

РСФСР, Марий АССР, У Торъял кундем, Токпайэҥер посёлко

Николай Михеев (Николай Иванович Михеев) (1959 шорыкйол 13, РСФСР, Марий АССР, У Торъял кундем, Масканур сола —14 пеледыш 2002, РСФСР, Марий АССР, У Торъял кундем, Токпайэҥер посёлко) — руш серызе, почеламутчо, Россий Cерызе-влак ушемын йыжъеҥже (2001).

Илыш корныжо[тӧрлаташ | вики-текстым тӧрлаташ]

Николай Михеев 1959 ийын шорыкйол тылзын 13-шо кечынже Марий АССР У Торъял кундем Масканур солаште шочын. Йоча жапше да варасе чыла илышыже Советский районысо Алексеевский посёлкышто эртен. Йочаж годсек инвалид лийын. Кыдалаш школым мӧҥгыштыжӧ пытарен. Тудлан личность семын шуаралташыже тӱҥ шӱкалтышым руш йылмым да литературым туныктышо Р.Н. Труновская ыштен.

Н. Михеевлан пӱрымаш 1980-шо ийла тӱҥалтыште литератур пашалан кумылан шкетаҥашыже-влак дене вашлиймашым пӧлеклен, тидыже Алексеевский посёлкышто “Поиск” сылнымут клубым почаш йӧным ыштен. Ты клуб Марий Элыште руш самырык сылнымутлан вияҥашыже пале полышым пуэн.

Н. Михеевын возымыжо икымше гана 1980-шо ийла кыдалне савыкталтын. «Марийская правда», «Молодой коммунист» газетлаште, «Пачемыш» журналыште тудын почеламутшо, ойлымашыже, пародийже-влак эртак лектеденыт. 1985 ий гыч тӱҥалын, тудо «Дружба» альманахыште савыкталт шоген. 1991 ийыште «Земной черёд» икымше почеламут книгаже лектын. Куд ий мучко (1990–1996) Н. Михеев «Молодой коммунист» газетыште сылнымут лышташым редактироватлен. Тыгаяк лышташлам «Республика» ден «Йошкар-Ола» газетлаште вӱден. Россий кумдыкан шкенжын «Безнадёжное дело» сылнымут газетшым луктын. Санкт-Петербургысо «Четверг» издательстве дене пырля «Колибри» миниатюр книга-влак серийым редактироватлен да луктеден.

2001 ийыште Россий писатель ушемыш пуртымо.

Тӱҥ произведенийже-влак[тӧрлаташ | вики-текстым тӧрлаташ]

  • Стихи // Дружба. Узел сердец. Йошкар-Ола, 1988. С. 159—161. Стихи // Дружба. Лесная шкатулка. Йошкар-Ола, 1989. С. 95—97.
  • Стихи // Дружба. Хрустальный ключ. Йошкар-Ола, 1990. С. 100—102.
  • Земной черед : стихи. Йошкар-Ола, 1991. 96 с.
  • На исходе мгновения : кн. стихов. Йошкар-Ола, 2003. 224 с.
  • Из цикла «Реквием по планете Земля» : стихи // Дружба. Йошкар-Ола, 1990. С. 100—102.
  • Стихи // Дружба. Мир, в котором живу... Йошкар-Ола, 1997. С. 179—181.
  • Стихи // Сотовый мед. Йошкар-Ола, 2000. С. 83—88.
  • Рассказы // Короткие встречи. Йошкар-Ола, 2002. С. 127—137.
  • По освещенным улицам ночным... : стихи // Русское слово Марий Эл. Йошкар-Ола, 2004. С. 308—311.

Марлаш кусарыме произведенийже-влак[тӧрлаташ | вики-текстым тӧрлаташ]

  • Почеламут-влак / Г.Ояр кусарен // Ончыко. 1996. № 6. С. 91—93.
  • Улына тӱняште толшо уна веле... : почеламут аршаш / Э. Анисимов кусарен // Ончыко. 1999. № 5. С. 118—122.

Илышыже да творчествыже нерген литератур[тӧрлаташ | вики-текстым тӧрлаташ]

  • Сылнымут садвечыште — у йӱк // Ончыко. 2002. № 3. С. 127.
  • Краткая биогр. справка // Короткие встречи. Йошкар-Ола, 2002. С. 121.
  • Щеглов С. Прощай, поэт, прощай, друг // Молодежный курьер. 2002. 20 июня.
  • Краткая биогр. справка // Русское слово Марий Эл. Йошкар-Ола, 2004. С. 308.
  • МБЭ. Йошкар-Ола, 2007. С 239.

Литератур[тӧрлаташ | вики-текстым тӧрлаташ]

  1. Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. - Йошкар-Ола, 2007. С. 239.
  2. Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 411-412.