Банкомат

Банкомат

Банкомат — оксам пуымо-налмылан, тӱлымашым эртарымылан келаштарыме аппарат. Тӱлымаш (пластик) карте дене да тудын дечын поснаат эртен кертеш.

Кызыт ик банкомат аппаратын акше 15 гыч 50 тӱжем доллар марте. Тиде 450 тӱжем гыч 1,5 миллион теҥге марте.

Кузе пашам ышта

Тиде статьяште банк карте дене пашам ыштыме нерген возымо.

Кунам айдеме шке пластик картычкыжым банкоматын карт-ридерышкыже пурта, парольым темдалеш, банкоматын программыже чыла терга да вара йодмым шукта. Кунам айдеме оксам йодеш – банкомат чот мӱграш тӱҥалеш. Кӧргыштыжӧ окса купюр-влак посна калташте кият. Мыняр оксам йодын – чыла шотлен лукман. Йоҥлыш лийын ок керт, чыла компьютер терга. Кунам окса купюрын кӱжгытшӧ але нелытше стандарт деч ойыртемалтеш, банкомат шке кӧргыштыжӧ тиде оксам шӱкшӧ окса калташке пышта. Тыгай годым аппарат мӱграш тӱҥалеш, чарна да угыч кугу йӱк дене пашам ышта – оксам пуа. Банкоматым шукын шоешташ тыршеныт, но тачысе кечын – нимом ыштен от керт. Тиде валчынде гына пластик, а кӧргыштыжӧ кӱртньӧ. Сварочный аппарат, кӱртньӧ пила дене пӱчкаш тӱҥалат гын ты жап марте милиций а ынде полиций толын шуеш. Пӱчкын шуктет гынат, кӧргышкӧ сравоч деч посна пурымеке чия дене баллон-влак пудештыт да чыла оксам чиялтат. шке аппаратым шолышташ - шотлан ок тол, молан манаш гын кажне банкоматын кӧргыштыжӧ GPS-навигатор уло.

Банкоматым ыштыше-влак

• Wincor Nixdorf AG|Wincor Nixdorf
• NCR Corporation
• Diebold