Исламов, Давлет Шаймуратович

Давлет Шаймуратович Исламов
Давлет Исламов, И.Пайгельдин, И.Дубкин, Давлет Пайгел
Шочмаш дене лӱм	Давлет Шаймуратович Исламов
Шочын	1935 ий 18 шыжа(1935-10-18)
Шочмо вер	РСФСР, Башкир АССР, Шараҥ кундем, У Пайгелде ял
Колен	1991 ий 7 идым(1991-09-07) (55 ий)
Колымо вер	Йошкар-Ола
Эл	Совет Социализм Республик-влак Ушем
Тыршымаш алан	почеламутчо, кусарыше, журналист

Давлет Исламов (И.Пайгельдин, И.Дубкин, Давлет Пайгел) (Давлет Шаймуратович Исламов) (1935 шыжа 18, РСФСР, Башкир АССР, Шараҥ кундем, У Пайгелде ял — 7 идым 1991, Йошкар-Ола) — марий серызе, почеламутчо, журналист, СССР Серызе-влак ушемын йыжъеҥже (1977).

Илыш корныжо

Давлет Исламов 1935 ийын шыжа тылзын 18-ше кечынже Башкир АССР Шараҥ кундем У Пайгелде ялеш кресаньык ешеш шочын. Акпарс кыдалаш школын кандашымше классшым пытарымеке, шочмо колхозыштыжо тыршен. 1954 — 1957 ийлаште Армийыште служитлен. Армий деч вара Озаҥ оласе индустриальный техникумыш пурен, техник-строитель профессийым налын.

Марий Элыште

1961 ийыште Марий Элыш илаш кусна: Юлсер-Олаште, Йошкар-Олаште производствышто шуаралтеш. 1967 ийыште "Марий коммуна" газет редакцийыште корреспондетлан ятыр жап ышта. Печатлалташ 1961 ийште тӱҥалын. "Яндар юж" (1968), "Лу марте" (1969), "До десяти" (1972), "Мланде" (1977), "Новоселье" (1980), " Кечывӧрдем" (1988) книга-влакын авторжо. 1972 ийыште Литинститутым заочно тунем лектын. 1977 ийыште ССРУ писатель ушемыш пурен. Пытартыш ийлаште Давлет Шаймуратович "Ончыко" журнал редакцийыште отделым вуйлатен. 1991 ий 7 Идымыште ӱмыржӧ кӱрылтеш. Марий Элын чапмурыжлан мутым возен.

Тӱҥ произведенийже-влак

• Яндар юж : почеламут-вл. [Чистый воздух : стихи]. Йошкар-Ола, 1968. 40 с.
• Лу марте: почеламут-вл. [До десяти: стихи]. Йошкар-Ола, 1969. 16 с.
• Мланде : поэма ден почеламут-вл. [Земля : поэма и стихи]. Йошкар-Ола, 1977. 96 с.
• Коршаҥге име : мыскара почеламут-вл. // Пӱсӧ умдо. Йошкар-Ола, 1982. С. 115—116.
• Кум шочмо кече ; Мланде ; Шошо : почеламут-вл. // Эрвий. 1987. С 33—35.
• Тирыште: ойлымаш // Пионер йӱк. 1987. № 2. С. 6.
• Кечывӧрдем : почеламут, муро, басня [Солнцеворот : стихи, песни, басня]. Йошкар-Ола, 1988. 104 с.
• Лу марте. Лу якте : почеламут-вл. [До десяти : стихи]. Йошкар-Ола, 1991.32 с.
• Омса кыл ; Луман ужга йымалне ; Шерге модыш ; Малаш жап ; Ер воктене: почеламут-вл. // Ончыко. 1993. № 5. С. 171—176.
• Вӱд ӱмбалне ; Йӱр деч вара : почеламут-вл. // Ончыко. 1994. № 4. С. 150—151.

Руш йылмыш кусарыме произведенийже-влак

• До десяти: стихи / пер. Б.И. Шуплецова. Йошкар-Ола, 1972. 24 с.
• Короткие басни / пер. И. Законова // Юмор мари. Йошкар-Ола, 1979. С. 102—105.
• Новоселье : стихи, поэмы / пер. А. Мосунова. Йошкар-Ола, 1980. 64 с.
• Всегда в дорогу, словно по уставу...; Я — строитель ; Вспоминаю о лете : стихи / пер. А. Мосунова // Между Волгой и Уралом. Саранск, 1982. С. 102—103.
• В пути ; Лишь тогда расцветают цветы...; Осень // Братство песенных сердец : стихи / пер. В. Панова. Йошкар-Ола, 1990. С. 62—63.

Илышыже да творчествыже нерген литератур

• Писатели Марийской АССР : биобиблиогр. справочник. Йошкар-Ола, 1988. С. 109—111.
• Селин А. Огеш лий орлык // Пӧлек вашмут. Йошкар-Ола, 1995. СЛИ.
• Селин А. Марий гимным возышо // Ончыко. 1995. № 9. С. 146—150.
• Николаев С. Чапмурышко ошкыл // Марий Эл. 2000. 18 окт.
• Шаран вел мурызо // Ончыко. 2000. № 9. С. 159—162.
• Зайниев Г. «Мландым сакле тый, шӱмем!» // Эрвел памаш. Йошкар-Ола, 2001. С. 196—221.
• Поэт Давлет Исламовлан тений 18 октябрьыште 70 ий темеш ыле... // Ончыко. 2005. № 9. С. 115—118.
• Зайниев Г. Тыге шочын Марий Элын гимнже // Марий Эл. 2005. 18 окт.
• МБЭ. Йошкар-Ола, 2007. С. 154—155.

Кылвер-влак

• Уроженец Башкирии Давлет Исламов подарил гимн Республике Марий Эл.(руш)

Литератур

• Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 295-297.