26 ага

26 ага (26 май) — григориан кечышот почеш идалыкын 146-шо (кужемдыме ийлаште — 147-ше) кечыже. Идалык пытыме марте 219 кече кодеш.

Пайрем да памятный дате-влак

• Российысе амалкалымаш (предпринимательство) кече палемдалтеш.

Лӱмгече

Ага тылзын коло кудымшо кечынже Александр, Василий, Георгий, Егор, Юрий, Ефим, Ирина, Макар, Сергей, Эдуард–влакын лӱм кечышт.

Событий-влак

Тугак ончо: Категорий:Ага тылзын 26 кечысе событий-влак

Шочыныт

Тугак ончо: Категорий:Ага тылзын 26 кечынже шочшо-влак

• 1967 — Александр Алексеевич Петров, марий серызе, почеламутчо, журналист, драматург.
• Таныгин, Александр Иванович — тӱҥ онаеҥ. Шкеже У Торъял кундем Танаксола гыч. Тудын паша корныжо тӱҥ шотышто тӱрлӧ ял озанлык-влак дене кылдалтын: ончыч «Заречный» совхозышто, вара «У куат» ушемыште тыршен. 2000-ше ий гыч Александр Иванович марий погынын чолга еҥже. Марий Эл кугыжаныш чап танык дене палемдалтын.

• Павел Максимович Верхунов — Марий Эл Республикысе шанчын сулло пашаеҥже, Россий Федерацийын сулло чодыразыже. 1975-ше ий гыч тудоМарий кугыжаныш техник университетысе чодыра таксаций да чодыра паша кафедрын пашаеҥже лийын: профессор марте кушкын. 400 наре шанче пашан, 40 моногорафийын авторжо.

• Юрий Александрович Минаков — кугыжаныш пашаеҥ да чоҥышо. Йошкар-Олашке 1968-ше ийыште толын да тӱрлӧ чоҥышо ушемлаште пашам ышташ тӱҥалын. 9 ий ончыч тудо Марий Эл кугыжаныш погынын вуйлатышыжлан шогалын. Тыгодымак шанче пашаштат шуаралтын: ятыр книган авторжо, Инвестиций да экономик чоҥымаш академийын академикше. Россий Федерацийын сулло чоҥышыжо.

• Анатолий Анатольевич Смирнов — кугыжаныш пашаеҥ да шанче-экономист. Ончыч комсомол, вара партий пашаште шуаралтын. 1994-1996-шо ийлаште кугыжаныш погынын вуйлатышыже лийын. Шанче корныжо Марий кугыжаныш университетыште шуйнен, тыште уста экономист профессор марте кушкын. Тӱҥ шотышто тудын пашаже-влак ял озанлык экономик йодышым рашемдаш полшат: тиде йодыш дене 100 наре шанче пашам, 5 монографийым возен.

• Петров, Александр Алексеевич — журналист, драматург да поэт. Шкеже Кужэҥер кундем Мари-Олма ял гыч. «Кугарня» газетын тӱҥ редакторжылан ыштен. Тидын деч посна Александр Алексеевич поэт да драматург семын чапланен: «Кронуш», «Пупкин ӱдырым налеш» да моло пьесынат авторжо.

Коленыт

Тугак ончо: Категорий:Ага тылзын 26 кечынже колышо-влак

Калык пале

	26 ага Викиклатыште?