Январёв, Алексей Тимофеевич

Алексей Тимофеевич Январёв
Алексей Январёв
Шочын	1915 ий 20 шорыкйол(1915-01-20)
Шочмо вер	Шернур кундем, Нурвел ял
Колен	2000 ий(2000)

Алексей Январёв (Алексей Тимофеевич Январёв) (1915 шорыкйол 20, Шернур кундем, Нурвел ял — 2000) — марий серызе, почеламутчо, 1941–1945 ийласе Кугу Ачамланде сарын участникше.

Илыш корно

Алексей Январев 20 январь 1915 ийыште Шернур кундем Нурвел ялыште шочын.

Алексей Январев Горьковский физкультурный техникумышто тунемын.

1937-1939 ийлаште Н.К. Крупская лӱмеш Марий кугыжаныш педагогике институтышто физкультур туныктышо лийын.

1946-1975 ийлаште Шернур да Марий Тӱрек кундем школлаште физкультур туныктышылан пашам ыштен.

1975 ийыште пенсийыш лектын.

1939 ийыште икымше почеламутшым  «Марий коммуна» газетеш  печатлен.

Алексей Тимофеевич Кугу Отечественный сарын участникше, мемнан республикын палыме поэт-лирик улеш. Тудын шагал огыл юмор почеламут, муро да частушко-влак уло.

1964 ийыште Марий книга издательство «Ош пеледыш»  почеламут ден поэме книгам луктеш.

Январев тыгак йоча-влаклан возен.

Кугу Отечественный сар орден дене наградитлыме.

Тӱҥ произведенийже: «Ош пеледыш», «Чодыра пўкш», «Лўмнам палыза», «Шернур сем», «Шöртньö пагыт».

Сылнымут паша

Моло вере савыкталтше произведений-влак

• Январев А. Т. Шӧртньӧ пагыт: почеламут-влак. [Золотое время : стихи, воспоминания]; ред. С. Д. Архипова. Йошкар-Ола , 2007. 183 с.

Вес йылмылаш кусарыме произведенийже-влак

• Январев А. Т. Стихи: Книга-раскраска: Для мл. шк. возраста. Йошкар-Ола: Мар. кн. изд-во. Йошкар-Ола, 1989.

Шарнымаш кас

19 январьыште 2015 ийыште Шернур кундемысе музейыште шарнымаш кас,  100 ий шочмо кечылан Январев Алексей Тимофеевичлан эртен.

А.Т.Январевын возымо темыже - шочмо пӱртӱс, Кугу  Отечественный сар, пашаеҥ.  Тудын произведенийлаштыже  йоратымаш лирикаят уло.  Пашаже-влак фольклор дене кылдалтше ,  сылнын йоҥгышо улыт. Нуно чынжымак калык йöратымашым налыныт.

Шернур музейын пашаеҥже-влак А.Т.Январев нерген увераҥарым ямдыленыт. Тудым мотор презентаций дене сöрастареныт. 

Зинаида Алексеевна Приколота - поэтын ӱдыржö, уна лийын. Тыгак тукым шӱжарже Людмила Витальевна Смородинова, поэт Зинаида Васильевна Ермакова, Валерий Ефимович Мамаев, туныктышо-краевед  Софья Альбертовна Рослякова да Майя Ивановна Москвина, музыкант Геннадий Павлович Лазарев.

 Зинаида Алексеевна ден Людмила Васильевна Алексей Тимофеевич нерген шарнымаш, поро  мутым луктыныт. Тудо марий мурым пеш йöратен, чӱчкыдын муралтен колтен. Тыгак Зинаида Васильевна Ермакова ден Валерий Ефимович Мамаев Алексей Тимофеевич дене вашлиймаш нерген каласеныт.

Мероприятий мучаште Г.П.Лазарев баян почеш А.Т.Январевын «Йӱр йӱреш» почеламутлан возымо мурым йöҥгалтарен. Шернур школын тунемшыже Чемеева Алена ден Мамаева Катя «Лаж воктене», Осипова Оля ден Куракина Вероника «Куралше» почеламутым лудыныт.

Мучашыште уна-влак Январевын почеламутшо посна книга дене, руш йылмыш кусаралтше, лекше манын йодмашым луктыныт.

Илышыже да сылнымутшо нерген паша-влак

Библиографий

• Алексей Январев // Писатели Марий Эл: биоблиограф. справочник. Йошкар-Ола: Мар. кн. изд-во, 2008. С. 736-737.

Кылвер-влак

• Январев Алексей Тимофеевич.(руш)
• Январь 2015.(руш)

Негыз

1. Алексей Январев // Писатели Марий Эл: биоблиограф. справочник. Йошкар-Ола: Мар. кн. изд-во, 2008. С. 736-737.