Википедий:Викификаций

Викификаций — Википедий проектысе статья-влакышке вики-разметкым ешарымаш.

Южо возышо-влак статьяшке шке шинчымашыштым возен кодат, но тӱрлӧ амаллан кӧра (жап ок сите, огыт мошто, ӧрканат да т.м.) шке возымо статьяшке категорийым, сӱрет-влакым, тӱрлӧ кӱкшытан вуймут-влакым, кӧргӧ да тӱжвал кылвер-влакым огыт ешаре.

Статья-влакым саемдашлан, чыла кумылан-влак Вики-разметкым саемдаш ушнен кертыт.

Википедийыште Вики-разметке деч посна статьям муында, но тидын дене шинчылташ шкендан жапда огеш сите гын статьян кодыштыжо (тӧрлаташ паҥгам темдалман) {{викификаций}} возыктышым ешарыза. Тиде статьян текстыштыже (кӱшычын) викификаций йодмаш лектеш, а шке статьяже посна лаштыкыш ешаралтеш.

Викификацийдыме статьям муында, да тудым тӧрлаташлан жапда, мастарлыкда сита гын — тӧрлатыза. Тыршымыда деч вара статьян тӱжвал тӱсшӧ шотан лийын шонеда гын, {{викификаций}} возымашым кораҥден кертыда. Тичмашын Вики-разметыкм ыштен шуктен огыдал гын - {{викификаций}} возымашым лучо кодыза.

Викификаций кӱлеш, лудшо-влак тыланда ик гана веле огыл вара тауштат.

Тыгак ончо

• Кузе у лаштыкым тӱҥалман