Кышкар:Тидым палаш оҥай/29 Кылме 2010

Википедий — эрыкан энциклопедий гыч материал
Перейти к навигации Перейти к поиску

Кылме тылзын 29 кечыже — григориан календар почеш ийдалыкын 333-шо кече (кужемдыме ийлаште 334) . Идалык пытыме марте 32 кече кодеш.

Мо лийын[вики-текстым тӧрлаташ]

  • Таче кылме тылзын 29-ше кечынже Майоров Шкетан лӱмеш кугыжаныш драмтеатрлан 91 ий темеш.

Кӧ шочын[вики-текстым тӧрлаташ]

  • Лётчик, Кугу Ачамланде сарын Геройжо, Совет Ушем Герой Михаил Александрович Зарецкихын шочмыжлан – 90 ий. Виче кундем Кильмез районысо Таутпочинга ял гыч. Сарыште тудо разведчик-штурмовик сомылым шуктен: шуко разведанныйым конден. Шкежат 600 наре тушман салтакым, 50 автомашинам, 5 танкым, 92 вагоным пытарен. Тудлан 1945-ше ийыште Совет Ушем Герой чап лӱмым пуымо. 1957-ше ий гыч Йошкар-Олаште илен. Хасанов урем, 9-ше номеран пӧртын пырдыжыштыже тудлан мемориал онам сакыме.
  • Вес чапланыше талешке, Российын Геройжо Валерий Вячеславович Ивановын шочмыжлан – 35 ий. Волжск кундемын патыр эргыже 1994-ше ийыште Чечняште колен: йӱлышӧ машинашке шинчын, тудым йолташыже-влак деч торашкырак нангайынеже улмаш, но машина пудештын. Тыге Валерий шке йолташыже-влакым арален коден. Тудын лӱмжым Волжск оласе 2-шо №-ан школ нумалеш, а капше Олыкъялысе шӱгарлаште кия.
  • 59 ияш лӱмгечыжым таче ялозанык пашаеҥ Валериан Зиновьевич Кубеков палемда. Шочынжо тудо Курыкмарий район Ӱл Солаволкӹ ялыште. 1999-ше ий гыч тудо шочмо кундемыштыже Мосолов лӱмеш ял озанлык ушем вуйлатышылан тыршаш тӱҥалын. Ты верыште Валериан Зиновьевич моткоч кугу пагалымашым сулен.
  • Россий герой Вадим Андреевич Мухаметовлан таче 37 ий темеш. Пошкырт республик Пӱрӧ кундемын марий эргыже 1991-1993-шо ийлаште Таджикистанысе Коклаазий погранокругысо заставыште службым эртен. Лӱддымылыкым, патырлыкым ончыктымыжлан Герой чаплӱмым сулен налын. Кызыт Вадим Андреевич Ӱпӧ олаште пашам ышта.

Лӱмгече[вики-текстым тӧрлаташ]

Васли, Виктор, Метри, Матвей, Вӧдыр, Сергей, Йыван, Макар, Мичу