Андрианов, Андрей Андрианович

Википедий — эрыкан энциклопедий гыч материал
Перейти к навигации Перейти к поиску
Андрей Андрианов
Андрианов Андрей Андрианович
Тыршымаш алан:

мурызо

Шочын:

1939 ий 24 вӱдшор(1939-04-24) (80 ий)

Шочмо вер:

Кульчубай ял.

Гражданство/Подданство:

Россий

Сайт:

vk.com/pages?oid=-45095220&p=Андрианов_Андрей_Андрианович

Андрей Андрианов (Кульчубай ял) —- марий мурызо, артист.

Биографий[тӧрлаташ | вики-текстым тӧрлаташ]

Андрей Андрианович 1939 ийын 24 апрельыште Башкортостан Мишкан районысо Кульчубай ялыште шочын. Тÿҥалтыш школым шочмо ялыштыже тунем пытарен. Шымияш школым Тымбайыште, а кыдалаш школым Чорайыште тунем лектын.

Школышто тунемме годым визымше класс гычак хорышко да драматический кружокыш кошташ кумылаҥын. Йолташыже-влакын шоктымым колыштын, шкевуя ик радаман тальянка гармоньым шокташ тунемын. А хорышто тудо чÿчкыдын солист семын шкетын мурен. Школыштак моло деч тудо музыканче, мурызо да артист улмыж дене ойыртемалташ тÿҥалын. Умбакыже тиде сомыл-влакым ий гыч ийыш вияҥден толын.

1958 ийыште, Чорай кыдалаш школым тунем пытарымеке, Йошкар-Олашке толын да И.С.Палантай лÿмеш Музыкальный училищын ямдылалтме отделенийышкыже пурен. Вокал дене тудым педагог Л.Краснов туныктен.

1960 ийыште вокал отделенийын икымше курсшым эртымеке, А.В.Луначарский лÿмеш Театр искусство кугыжаныш институтын актёр отделенийышкыже тунемаш пурен. Тиде курсым тунам Н. В. Чефранова ден П. В. Лесли вуйлатеныт. 1965 ийыште, тиде курсым тунем пытарымек, М.Шкетан лÿмеш Марий кугыжаныш театрыш толын да тыште коло ныл ий пашам ыштен.

1981-1984 ийлаште - театр директорын алмаштышыже, вара угыч сценышке пӧртылеш. М.Шкетан лÿмеш Марий кугыжаныш театрын сценыштыже 80 утла рольым чоҥымек, 1989 ийыште А.Андрианов Республикысе культура училищыште туныкташ тÿҥалын (1989-2005; актер мастарлык предметым вӱден). А 1995 ий гыч — тудо Марий самырык театрыште. Марий самырык театрыште 40 наре рольым модын. Россий Федерацийын культура министерствыже да Россий культура пашаеҥ-влакын профсоюзышт, тÿвыра да сымыктыш аланыште тудын кугу пашажым кÿкшын аклен, Почетный грамота дене наградитленыт.

А.Андриановын мурымо мастарлыкшат ойыртемалтше, тудо республикыштына веле огыл, тыгак öрдыж кундемлаштат калык да эстрада муро-шамычым устан шергылтарымыж дене кумдан палыме. Марий радион фонд гыч жапын-жапын Андриановын мурымыжым коклан кызытат йоҥгалтарат. Тыге Евгений Волковын «Кӧ гын тиде ӱдыр?», «Покто веле, корно сай», Ион Кузьминын «Колызо», «Муро мыскарам мурем», Виктор Газетовын «Гармонист», «Эртем марий Йошкар-Олаште» возымо муро-влакым да молымат ятыр гана колыштмо.

2010 ий 16 апрельыште Марий Элын Калык артистше Андрей Андриановын шӱмжӧ кырымым чарнен.

Кылвер-влак[тӧрлаташ | вики-текстым тӧрлаташ]