3 Кылме

Википедий — эрыкан энциклопедий гыч материал
Кылме
Шч Кш Вр Из Кг Шм Рш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
             
2014 ий

3 Кылмегригориан кечышот почеш идалыкын 307-ше (кужемдыме ийлаште 308) кечыже. Идалык пытыме марте 58 кече кодеш.

Пайрем-влак[тӧрлаташ]

  • Тунямбал кукшытышто таче поръен-влакын пайремышт.


Лӱмгече[тӧрлаташ]

Кылме тылзын кумшо кечынже Илларион, Феофил, Пелагея, Максимилиан, Константин, Захар, Денис, Аркадий, Яков да Мартин – влакын лӱм кечышт.

Мо лийын[тӧрлаташ]

Тыгак ончо: Категорий:3 Кылме Мо лийын

  • 1912 ий — Россий ден Монголий коклаште Монголийын автономийже нерген вашкелшыкым пенгыдемдыме.
  • 1957 ий — космосыш «Спутник-2» аппаратым колтымо. Бортыштыжо Лайка пий лийын.

Кӧ шочын[тӧрлаташ]

Тыгак ончо: Категорий:3 Кылме Кӧ шочын

  • 1925 ий — Константин Андреевич Иванов, педагог, партий пашаеҥ, журналист. Шкеже Кужэҥер кундемысе Визым ял гыч. Школышто туныктен, завуч, директор лийын. Журналистикыштат шкем терген: кундемысе газетын редакторжо лийын. КПСС обкомышто инструктор да шанче ден туныктыш пӧлкам вуйлатен.
  • 1925 ий — Лаврентий Иванович Шабалин, шанче-ботаник, Совет Ушем кӱшыл шинчымашын отличникше. Шкеже Шернур кундем Кугэнер ял гыч. Тудын паша корныжо Крупская лумеш марий педагогик институт дене кылдалтын. Ял озанлык шанче кандидат.
  • 1954 ий — Николай Григорьевич Тимофеев, кидмастар, сӱретче. Поранча кундем Олор ялыште шочын-кушкын. Шинчымашым Йошкар-Оласе художественный училищыште налын, вара Таллин оласе институтышто тунемын. Паша корныжым кыдалаш школышто туныктышо семын тӱҥалын. Тыгодымак тӱвыра пӧртыштӧ сӱретче-оформитель пашам шуктен. Тудо кӱртньӧ гыч тӱрлӧ арвер-влакым ямдыла: калыкыште тиде сомылым «художественная ковка» маныт. Тудын кумдан палыме сомыл-влак кокла гыч «Тум-тум тумна», «Васли Валерик», «Кыдалаш эрге» пашаже-шамычым палемден кодаш лиеш. Ончерже-влак Марий кундемыште да Моско олаштат эртеныт.
  • 1962 ий — Зоя Михайловна Дудина, почеламутчо, сылнымут пашаеҥ, кусарыше, Марий Эл тӱвыран сулло пашаеҥже. Зоя Михайловна Шернур кундем Марисола ялсоветыш пурышо Купсола ялеш шочын. Марий кугыжаныш университетым тунем лекмек, книга савыктышыште редакторлан тыршаш тӱҥалын. 2005-ше ий гыч «Марий Эл» газет редакцийыште пашам ышта. Поэзий аланыште тудо моткоч кугу кӱкшытыш шуын: Зоя Михайловна «Мый шкежат суксо омыл», «Колыштса шӱшпык чон шортмым», «Эрелан йӧратыме тат» почеламут ойпого-влакын авторжо. Тыгакак тудо тунемме да сылнымут литертурым кусарыше семын тырша.
  • 1953 ий — Валерий Викторович Кожевников, мер пашаеҥ. Валерий Викторович Йошкар-Олаште шочын. Шинчымашым налмек, пушеҥгым руымо пашаште, «Электроавтоматика» заводышто слесарьлан, «Новатор» заводышто машинам виктарышылан тыршен. Кугыжаныш Погынын депутатшат лийын. Мер пашаште моткоч кугу пагалымашым сулен.

Кӧ колен[тӧрлаташ]

Тыгак ончо: Категорий:3 Кылме Кӧ колен

Калык пале[тӧрлаташ]

  • Илларионын кечыже. Тыгай калыкпалым эскереныт: ты кечын вочшо лум ок шуло гын, шошым лумпеледыш ондак лектеш.