23 Сорла

Википедий — эрыкан энциклопедий гыч материал
Сорла
Шч Кш Вр Из Кг Шм Рш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
             
2014 ий

23 Сорлагригориан кечышот почеш идалыкын 235-ше (кужемдыме ийлаште 236) кечыже. Идалык пытыме марте 130 кече кодеш.

Пайрем-влак[тӧрлаташ]

Лӱмгече[тӧрлаташ]

  • Сорла тылзын коло кумшо кечынже Лаврентий, Роман – влакын лум кечышт.

Мо лийын[тӧрлаташ]

Тыгак ончо: Категорий:23 Сорла Мо лийын

  • Руш спортсмен Онисим Панкратов Харбин олаште шке велопробегшым мучашлен.
  • 1935-ше ийыште Кремль вуйысо кок вуян арсланым Йошкар шӱдырлан вашталтеныт.
  • 1939-ше ийыште Совет Ушем да Германий икте-весе ӱмбак ынышт керылт манын Молотов ден Рибентроп вашкелшыкым пеҥгыдемденыт.

Кӧ шочын[тӧрлаташ]

Тыгак ончо: Категорий:23 Сорла Кӧ шочын

  • 1920 — Степан Прокопьевич Булыгин, партий да печать пашаеҥ. Шкеже У Торъял кундемысе Шуймучаш ял гыч. Ончыч Куженер кундемысе «Ӱжара» газет редакторлан тыршен, вара райсовет исполкомын вуйлатышыжлан, КПСС райкомын икымше секретарьжылан ыштен. Журналист семын шкенжым «Марий коммуна» газет редакцийыште терген. Эн кугу кӱкшытшӧ - Республикысе печать кучемын вуйлатыме жапше. Тыгодымак тудо кӱшыл погынын депутатше лийын.
  • 1925 — Михаил Григорьевич Байков, туныктышо, печать да партий пашаеҥ, Марий республикын да Россий Федерацийын сулло / тӱвыра пашаеҥже. Поранча кундемысе Памашъял гыч. Тудын гын паша корныжо ончыч школышто тӱҥалын, вара «Коммунар» Шернур райгазетын редакторжо лийын. Тудымат паша корныжо «Марий коммуна» газет редакцийыш конден – тыштат тудо редактор лийын. Марий республик кӱшыл погынын депутатше, президиум вуйлатышын алмаштышыже лийын.
  • 1931 — Борис Михайлович Смоленцев, ял озанлык пашаеҥ, Марий республикын сулло зоотехникше. Шернур кундемыште шочын. Уло паша ӱмыржӧ колхозла да совхозла дене кылдалтын. «Аврора» колхоз вуйлатышылан, «За мир» колхозын зоотехникшылан тыршен. Вара Медведево кундемысе «Большевик» совхозышко куснен, умбакыже 30 ий утла «Нива» совхоз вуйлатышылан пашам ыштен. Суапле пашажлан Йошкар Знамя Паша орден дене палемдалтын.
  • 1953 — Вера Васильевна Тукманова, администраций пашаеҥ. Шкеже Курыкмарий кундем Коротни ял гыч. Йошкар-Оласе округ администрацийын Семёновкысо кучем вуйлатышылан тудо 2001-ше ий гыч тырша.
  • 1963 — Александр Варсонофьевич Павлов, мер пашаеҥ да амалкалче палемда. Шочын-кушкын тудо Килемар кундем Алёшкино ялыште. Ардысе сельпо ушем вуйлатышылан тудо ынде ятыр ий шога. Мер пашаштат кугу пагалымашым сулен: 8-ше марий погыныш делегат лийын.
  • 1979Валентина Александровна Квасова, спортсменка, Россий спорт мастер, Калык-влак кокласе кӱкшытан спорт мастер (1998). Марий ӱдыр Маскасола кундем Юбилейный посёлкышто шочын. 16 ияш годымжак тудо эрыкан кучедалмаш деке шӱмаҥын. Юниор-влак кокласе танасымаште гын Россий, Европын да тӱнямбалсе чемпионка лӱмым сулен. 2001-ше ийыште Россий чемпионатын ший призёржо лийын.

Кӧ колен[тӧрлаташ]

Тыгак ончо: Категорий:23 Сорла Кӧ колен

Калык пале[тӧрлаташ]

Лаврентийын кечыже. Ожно калык тура кечывал жапыште эҥер да ер серышке лектын, вӱдым ончен: вӱд ласкан йога гын, шушаш шыже ласка лиеш. Игече шокшо да кукшо гын, август мучаште да шыже тӱҥалтыште кол сайын чӱҥгаш тӱҥалеш маныныт.