21 Идым

Википедий — эрыкан энциклопедий гыч материал
Идым
Шч Кш Вр Из Кг Шм Рш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
             
2014 ий

21 Идымгригориан кечышот почеш идалыкын 264-ше (кужемдыме ийлаште 265) кечыже. Идалык пытыме марте 101 кече кодеш.

Пайрем-влак[тӧрлаташ]

  • Earth flag PD.jpg ООН — Калык-влак кокласе тыныслык кече.
  • Армений Армений — Эрык кече.
  • Россий РоссийРоссийысе сарзе чап кече палемдалтеш. Лач ты кечын Дмитрий Донской онын сарзыже-влак Куликов пасушто монгол-татар-влакым кырен шалатеныт. Историйыште Куликов кучедалмаш манын шыҥен кодын.

Лӱмгече[тӧрлаташ]

Идым тылзын коло икымше кечынже Иван, Макар, Мария, Матвей луман – влакын лумгечышт.

Мо лийын[тӧрлаташ]

Тыгак ончо: Категорий:21 Идым Мо лийын

  • 1522 — типограф Мельхиор Лоттер «У завет» книгам савыктен луктын.
  • 1610 — «Семибоярщина» виктер йӱдым йыштак Москош польский войскам пуртен. Кызытсе йылме дене нуным «изменник-влак» манаш лиеш.
  • 1799 — Александр Суворовын войскаже-влак Альп курык гоч вончаш тӱҥалын.

Кӧ шочын[тӧрлаташ]

Тыгак ончо: Категорий:21 Идым Кӧ шочын

  • 1953Анна Евдокимовна Османова, мурызо, Марий Элын сулло тӱвыра пашаеҥже. Тӱвыра паша корныжо эн ончыч Немда тӱвыра пӧрт дене кылдалтын, тыште 3 ий вуйлатышылан тыршыме деч вара Анна Евдокимовна У Торъял посёлкышко пашам ышташ куснен. 1998-ше ийыште паша корныжо Йошкар-Олашке конден, М. Шкетан лӱмеш Марий калыкле драме театрыште администратор сомылым шуктен шоген. Калык усталык фестивальын лауреатше.
  • 1959Маргарита Аркадьевна Соловьёва, журналист да радио пашаеҥ, Марий Элын сулло журналистше. Киров велыште шочын. Одо Элыште икмыняр ий пашам ыштыме деч вара Марий Элышке толын. 2002-шо ийыште Марий Эл президентын палемдыме «Шӧртньӧ перо» премийын лауреатше лийын. 2003 ий гыч Маргарита Аркадьевна Марий радио вуйлатышын алмаштышыжлан тырша.
  • 1962Маргарита Михайловна Маланова, туныктыш да мер пашаеҥ. Медведево кундемын чолга ӱдыржӧ 1995-ше ий гыч «Эр вий» ушемыште пашам ышта, а 1997-ше ий гыч вуйлатышыжлан шогалын. Йоча-влаклан ятыр программын да мероприятий-влакын авторжо. Суапле пашажлан Маргарита Михайловна ятыр чап танык дене палемдалтын.

Кӧ колен[тӧрлаташ]

Тыгак ончо: Категорий:21 Идым Кӧ колен

Калык пале[тӧрлаташ]

Шнуй Юмынаван шочмо кечыже. Ӱдырамаш-влак кинде дене эҥер серыш лектыныт, самырык ӱдыр-влак Шнуй Юмынава нерген мурым муреныт. Тыгак самырык еш дек унала коштыныт.