12 Идым

Википедий — эрыкан энциклопедий гыч материал
Идым
Шч Кш Вр Из Кг Шм Рш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
             
2014 ий

12 Идымгригориан кечышот почеш идалыкын 255-ше (кужемдыме ийлаште 256) кечыже. Идалык пытыме марте 110 кече кодеш.

Пайрем-влак[тӧрлаташ]

  • Россий Россий — Программистын кечыже.

Лӱмгече[тӧрлаташ]

Идымын латкокымшо кечынже Александр, Иван, Макар, Павел, Мария, Яков – влакын лумгечышт.

Мо лийын[тӧрлаташ]

Тыгак ончо: Категорий:12 Идым Мо лийын

  • 1715 ий — Пётр Первый кугыжа у кӱштыкым луктын: пу мостовой-влакым арален кодаш манын еҥ-влаклан кӱртньӧ пундашан да пудан йолчиемым чияш чарыме.
  • 1940 ий — Францийыште Ласко пещерым муыныт. Тушто, кӱ пырдыжыште сӱретлыме сӱрет-влак ик эн тоштылан шотлалтыт.
  • 1959 ий — Байконур космодром гыч «Восток-Л» ракета чоҥештен. Тудо «Луна-2» станцийым космосыш луктын, тиде станций тылзе ӱмбак шичше икымше станцийлан шотлалтеш.

Кӧ шочын[тӧрлаташ]

Тыгак ончо: Категорий:12 Идым Кӧ шочын

  • 1938 — Михаил Михайлович Голубев, Россий Федерацийын сулло зоотехникше, ял озанлык пашаеҥ да Социалистик паша герой. Ончыч Звенигово, вара Параньга кундемласе ял озанлык кучемыште зоотехниклан тыршен. 33 ий Михаил Михайлович Медведево кундемысе «Азановский» ушемым вуйлатен. Тудын тыршыме жапыште ты ушем кугу деч кугу лектышым пуэн. А вуйлатышыжым Йошкар Знамя Паша орден да ятыр чап танык дене палемденыт.
  • 1949 — Валентина Михайловна Васильева, Марий Элын калык туныктышыжо. Тудо Морко кундем Мызеҥер ялыште шочын. Кӱшыл шинчымашым Марий кугыжаныш университетыште налын. 1979-ше ий гычак Коркатово кыдалаш школышто биологий предметым туныктышылан тыршаш тӱҥалын. Паша ыштыме жап мучко тудын кабинетше ик эн сай радамыште лийын. Тунемше-влак дене пырля Валентина Михайловна пӱртӱсым аралыммаш суап пашам вӱден.
  • 1948 — Валерий Фёдорович Галкин, Марий Элын сулло туныктыш пашаеҥже, кугыжаныш пашаеҥ. Шочынжо тудо У Роҥго кундем Ашламаш ялыште. Паша корныжо тӱҥ шотышто Верх-Ушнур кыдалаш школ дене кылдалтын, тыште Валерий Фёдорович вуйлатышылан тырша. Кундемысе погынын депутатшат лийын. Марий мер толкынышто тудын надырже моткоч кугу.
  • 1960 — Алексей Максимович Клёнов, туныктыш да тӱвыра пашаеҥ. У Торъял кундем Яранмучаш ялыште шочын. Кӱшыл шинчымашым Марий кугыжаныш педагогик институтышто налын. Оршанка педучилищыште тыршыме деч вара марий туныктыш институтышто пашам ыштен. А 1995-ше ийыште Тӱвыра да сымыктыш колледжын вуйлатышыжлан шогалын да кызытат тиде пашамак шуктен шога.

Кӧ колен[тӧрлаташ]

Тыгак ончо: Категорий:12 Идым Кӧ колен

Калык пале[тӧрлаташ]

Александрын кечыже. Ты кечын кугу пайрем ӱстелым погыман да теммешке кочман улмаш. Вате-влак эн ончыч шќран шож пучымышым шолташ тыршеныт.