Чурийым палымаш

Википедий — эрыкан энциклопедий гыч материал

Чурийым палымаш — фотосӱрет але видео-йогынын кадрже гыч автоматик семын айдемын идентификацийым але верифицийым ышташлан компьютер программе. Тидым ышташ тыгай йӧн уло - фотосӱретысе чурийын ойыртемжым базыште улшо чурий-влак дене таҥастараш.

Чӱчкыдын лӱдыкшыдымылык радамлыклаште кучылталтеш. Вес биометрий дене таҥастараш лиеш: парняпале але шинчан шонанпыл чораже.

Йӧн-влак[тӧрлаташ]

Эреак ышталтше[тӧрлаташ]

Южо алгоритм-влак чурийым палымашлан айдемын чурийын фотосӱретше гыч палем, але палдыртымашым налыт. Мутлан, алгоритм шинчан, нерын але оҥылашлун ваш верланымашым, кугытшым але сыным муын кертеш. Вара тиде палдыртымаш-влак почеш вес фотосӱрет-влакым кычалат[1]. Вес алгоритм-влак чурий дене фотосӱрет погыным нормализироватлат, чурийын палым ишат, чурийым палымашлан кӱлешан палым гына кодат. Вара фотосӱрет-влак тиде ишыме пале-влак дене таҥастаралтыт.

Эн чӱчкыдын кучылтмо алгоритм-влак: PCA (Principal Component Analysis), шкечурий (eigenface), LDA (Linear Discriminant Analysis), Elastic Bunch Graph Matching, шылтыме Марковын модельже да Dynamic Link Matching.

3-В[тӧрлаташ]

Кум-вел кугытлыкан чурийым палымашлан кум-вел кугытлыкан сенсор-влак кӱлыт. Тунам чурийын сын палым пален налаш лиеш. Тиде пале варажым чурий ӱмбалсе ойыртемым кычал муашлан кучылталтеш, мутлан шинчан чек, нер але оҥылашлу.

3-Вел кугытлыкын чурийым палымашлан тӱл вашталтымаш-влак але вуй савырымаш-влак чаракым огыт пу. Вуй тореш шогышо гынат, тыгай алгоритм чурийым пален налын кертеш.

Ик чарак гына уло - чурийын чоншижмашыже. Чурийын чоншижмашыже изометрий семын лийже манын, метрик геометрийын йӧн-влакым кучылташ лиеш[2].

Коваште сӱретым тергымаш[тӧрлаташ]

Таҥастарыме шонкалымаш[тӧрлаташ]

Тӱрлӧ биометрийысе йӧн-влак коклаште чурийым палымаш эн ӱшанле да пайдале огыл. Но тудо "йывыштык" лийын кертеш, айдемылан чурийым палымашлан нимогай сомылым эртараш огеш кӱл. Аэропортышто але вес шуко еҥан верыште сай ыштыме радамлык калык лоҥгаште айдемым муын кертеш. Вес биометрий радамлык-влак, мутлан парняпале але йӱк гыч палымаш тигай калык ораште сканированийым ыштен огыт керт.

Важ-влак[тӧрлаташ]

  1. (Англ.) Кузе чурийым палымашын радамлык-влак ыштат
  2. (Англ.) Кум-вел кугытлыкын чурийым палымаш

Ӧрдыжкӧ кылвер[тӧрлаташ]