Чарльз Диккенс

Чарльз Диккенс (англичанла Charles John Huffam Dickens 1812 Пургыж 7 – 1870 Пеледыш 9) — англичан серызе, викториан периодын эн пагалыме романым возышо. Портсмут олаште шочын-кушкын.Тудын ачаже кугу чиновник ,туге гынат поро да весела лийын.Шке икшыве-влакшым изинек чот йӧратен да арален куштен.Изинек изи Чарльз ачаж деч сылнымут поянлыкым налын да аваж деч илышын чынжылан тунемын.Аваж ден ачаже шке эргыж дене чот кугешненыт.Изи годсек ачаже тудым артист лияш туныктен:сценыште модаш,почеламутым сылнын лудаш,садланак тудо изи актерыш савырнен. Ешышке ойго толын,оксашт укелан кӧра нуно пеш удан илаш тӱналыныт.Ачаштым турьмаш шынденыт,аважлан шкетшылан икшыве-влакым ончаш пернен.Изиж годсек шкенжым йӧратыше,таза,илышлан куаныше йоча фабрикыш логалеш.Тидыже тудлан эн неле лиеш.Тиде жапше нерген тудо каласкалаш йӧратен огыл.Но садак Дикенс улан лияш шонен. Тудо шкенжым репортер пашаште ончыктен.Чыла тиде газетын тиражшым кугемден,илышышке прессым шыҥдарен.Газетыште ыштымыж годымак литератур деке шӱмаҥеш,шке произведенийже -влакым сераш тӱналеш.Шке икымше очеркшым 1836 ийыште воза да "Очерки Боза" лӱм дене луктеш.Шке кумылжым,шке илыш-корныжым очеркыште серен.Тиде очерк тудлан кугу чапым конден.