Россий Федерацийын сулло эмлызыже

Википедий — эрыкан энциклопедий гыч материал
Оҥ тамга.

«Россий Федерацийын сулло эмлызыже» (рушла «Заслуженный врач Российской Федерации») — Россий Федерацийысе кугыжаныш чап лӱм. 1995 ий Теле тылзын 30 кечынже чап лӱм нерген кӱштык лектын. 1996 ийыште чап лӱмым икымше айдемылан пуымо.

Чап лӱмым пуымо амал[тӧрлаташ | кодым тӧрлаташ]

«Россий Федерацийын сулло эмлызыже» чап лӱмым кӱкшӧ профессионализмым ончыктышо пашам ыштыше эмлызе-влаклан тыгай годым пуалтеш:

  • медицин шанчыште да техникыште у йӧн-влакым кучылтын, шке жапыште эмлымаш але эмлымаш-профилактик пашам шуктымылан;
  • лӱдыкшӧ чер-влакым эскерыме да эмлыме шотышто у методикым кучылтмылан, кучылтмо методикым саемдымылан. Тидын годым черланыше-влакын чотышт шагалемшаш, тыгак эмлалтмаш жап кӱчыкемшаш;
  • кугу кӱкшытан профессионализм дене эмлымаш пашам ыштыме годым медицин аланыште лектышан организатор але шанче пашам шуктымылан;
  • медицин тӧнеж-влаклан квалификациян пашаеҥ-влакым ямдылымылан.

«Россий Федерацийын сулло эмлызыже» чап лӱмым посна радам дене пуат. Эмлыме але диагностик пашам тӱҥалме деч вара 20 ий эртымеке (рентген лабораторий да кабинетлаште - 15 ий эртымеке). Ты годым эмлызын кугыжаныш кучемын федерал орган деч награде (поощрений-влак) лийшаш улыт.

Тыгак ончо[тӧрлаташ | кодым тӧрлаташ]