Пчёлкина, Татьяна Александровна

Татьяна Пчёлкина (6 Шорыкйол 1970, Морко кундем Кабаксола ял) — марий почеламут мастар. Ӱдыр тукымлӱжӧ - Иванова. 1985 ийыште Себеусадысе 8-ияш школым тунем пытара, Йошкар-Оласе медицин училищыш тунемаш пура. 1989 гыч 2003 ий марте тазалык аралтыш системыште пашам ыштен. Кызыт "Кугарня" газетын обозревательжылан ышта.

Усталык паша

Татьяна Пчёлкина эше школышто тунеммыж годымак почеламут-влакым возгалаш тӱҥалын, «Ямде лий» газетын юнкоржо лийын. Медицин училищыште тунеммыж годым "Сылнымут шыже" ("Литературная осень") семинар-каҥашымашлаште шуаралтын. 1992 ийыште кугу почеламутгорныш шогалеш — Марий книга савыктышыште "Памаш сем" лӱан почеламу ойпогыжо лектеш. Почеламутлажым газетлаште, "Ончыко" журналыште, "Эрвий" альманахыште савыктат. Татьяна Пчёлкинан почеламут-влакшым эстон йылмыш кусарыме, Таллиныште савыктыме.

Чап

"Мӧр чурий" да "Кечын шӱмжӧ" почеламут книга-влаклан Татьяна Пчёлкиналан 2002 ийыште Олык Ипай лӱмеш кугыжаныш премийын лауреатше лӱмым пуымо. Тыгакак 2006 ийыште Марий Эл Республик тӱвыр министерствын Чап таныкше дене палемдалтын.

Тӱҥ произведенийже-влак

• Памаш сем : почеламут-вл. Йошкар-Ола, 1992. 32 лашт.
• Мӧр чурий : почеламут-вл. Йошкар-Ола, 1999. 64 лашт.
• Кечын шӱмжӧ : почеламут-вл., поэма. Йошкар-Ола, 2002. 56 лашт.
• Почеламут-влак // Ончыко. 2005. №9. 81-85 лашт.

Эстон йылмыш кусарымашыште

• Йӧратем ман шон ; Чон юалгымаш : стихи / пер. А.Валтона // Kuum ӧӧ. Таллин, 2005. 666-671 лашт.

Илышыж да усталыкше нерген возымо

• Эманова А. Кугу тӱняште изи пайрем // Кугарня. 2000. 15 дек.
• Егоров В. Шӱм чоным йомартле мурызыжо // Ончыко. 2001. №2. 175-177 лашт.
• Сабанцев Г. "Сылнымут огеш лий гын тӱняште, мо куан чонемым луштара?" // марий Эл. 2002. 27 сент.
• Илибаева М. "Чоныштем кечыйол гай волгыдым шижам" // Марий Эл. 2004. 3 сент.

Негыз

• Писатели Марий Эл : биобиблиографический справочник / сост.:А.Васинкин, В.Абукаев - Йошкар-Ола: Марий книга савыктыш, 2008. - 513-514 лашт.