Олык Ипай лӱмеш кугыжаныш премий
Википедий — эрыкан энциклопедий гыч материал
Олык Ипай лӱмеш кугыжаныш премий (рушла государственная молодёжная премия республики Марий Эл в области литературы и искусства им. Олыка Ипая)- Марий Эл республикыште талантан самырык еҥ-влаклан пуымо чап лӱм. Тӱвыра але литературышто кугу кышам кодымо, тӱвыралын кугу пайдам кодымылан пуалтеш.
1968 ийыште премийлан негызым пыштеныт. Кок ий жапшыте ик гана пуалтеш. Премийым налше-влак "лауреат" чап лӱм дене лӱмдалтыт; нунылан диплом ден оҥ значокым кучыктат. Кандидат-влакым министерстве-влак, Марий Элысе ведомство-вдак, президент ушем, организаций, вузласе шанче каҥаш-влак темлен кертыт. 2008-ше ийлан Марий Элыште тиде премийым 91 еҥ налын шуктен.
