Марнетын шӱдыржӧ-влак
Конкурс нерген[тӧрлаташ | кодым тӧрлаташ]
Марий Эл Республикысе тÿвыра, печать да калык-влак паша шотышто министерстве 2012 ий гыч тӧнеж, организаций-влак дене пырля марла возышо сайт, портал, блог да Интернет-тӱшка-влак коклаште конкурсым эртара.
Конкурс Марий Элысе да шочмо калыкын тÿшкан илыме кундемласе марий-влак икте-весышт дене илышын тÿрлö йыжыҥжым Интернет гоч келгынрак вашла палдарен кертышт да икте-весышт дене кутыраш сай йöн лийже манын кок ийлан ик гана эртаралтеш.
«Марнетын шÿдыржö-влак» конкурсышто кеч-кушто илыше, кеч-могай гражданстван, тыгодым марий йылме дене Интернет-дневник ден Интернет-тӱшкам вÿдышö, сайт ден портал-влакым (тыгак нунын иктаж ужашыштым) ыштыше да шуяш полшышо организаций-влак да посна еҥ-влак вийыштым терген кертыт. Тыгодым сайтын кушто регистрироватлалтмыжат шотыш ок налалт.
Номинаций-влак[тӧрлаташ | кодым тӧрлаташ]
Конкурс икмыняр номинаций дене эртаралтеш:
- Кугыжаныш кучемын эн сай сайтше.
- Тÿвыра, туныктыш тӧнежын эн сай сайтше.
- Савыктыме газет але журналын вотысо (сетьысе, сетевой) эн сай версийже.
- Марий калыкын тÿвыра, сымыктыш, йылме да йÿлажлан пӧлеклатше эн сай сайт.
- Эн сай авторский Интернет-дневник (блог, микроблог), Интернет-сообществе.