Коми Республик

Википедий — эрыкан энциклопедий гыч материал
Коми
Ойып
Ойып
Тисте
Тисте
Эл

Россий

Чапмуро:

Коми Республикын чапмурыжо

Статус

Республик

Ужашыже

Кас-Йӱдвел федерал йырвел

Кӧргӧ шеледымаш

20 кундем

Административ рӱдӧ

Сыктывкар

Эн кугу ола

Сыктывкар

Моло кугу олала

Ухта, Воркута, Печоро

Негызлыме

22 Август, 1921

Вуйлатыше

Вячеслав Гайзер

Официал йылме-влак

Коми, Руш

Калыкчот (2013 ий)

880 639 (54-мше(о) вер)

Чаклык

2,11 еҥ/уш²

Инаныше-влак

Танле

Кумдык

416 774 уш² (Вӱд-0,3 %, 13-мше(о) вер)

Коми картыште

Шагат ӱштӧ

GMT+07:00 Moscow Time

Телефон код

+7(3449)

Почто индекс-влак

167000-167999

Автомобиль код

11

Ко́ми Респу́блик (комила Коми Республика, рушла Республика Коми) — Россий Федерацийысе субъект, Кас-Йӱдвел федерал йырвелыш пура. Рӱдола — Сыктывкар ола.

  • Коми Республиклан негызым 22 Сорла 1921 ийыште пуымо. Лач тунам Коми (Зырян) автоном область ышталтын;
  • 5 Теле 1936 ийыште РСФСР пеленысе автоном республикыш савырыме — Коми АССР;
  • 23 Кылме 1990 ийыште лӱмжӧ Коми ССР-ыш вашталтыме;
  • 26 Ага 1992 ийыште Российыш пурышо субъект Республика Коми лӱмым налын.

Йӱдвелне - Ненецкий автономный округ да Архангельск вел дене, эрвелне - Тюмень вел дене, кечывалвелне – Хант-Манси автоном йырвел, Свердловск вел, Пермь край, Киров вел дене пошкудылана.

Географий[тӧрлаташ]

Урал курык-влак деч касвелныла, Российын Европысо ужашыжын йӱдвел-эрвелныже верланен. Ты мландыште шуко чодыра кушкеш (70 % наре), куп шуко уло (15%).

Мландын ик эн шергакан поянлыкше - Печоро-Илычский заповедник. Еҥ ты пушеҥге-влакым тарватенат огыл, тыгай чодыра Европышто тетла уке. Кызыт заповедникым ЮНЕСКО ушем арала.

Эҥер[тӧрлаташ]

Коми республикыште тыгай эҥер-влак йогат:

Акрет жап гыч эҥер-влак дене ты кундемыш толшо-влак пайдаланеныт. Эҥер вӱд почеш купеч-влак сатум волтеныт, чоҥышо-влак вӱд дене пырням, оҥам, кермычым колтылыныт. Коми мланде ожнысек торгаймаш-влакын корно лийын.

23 Ӱярня 1971 ийыште тыште мланде йымалсе ядерный пудештарымашым ыштыме. 5 килотоннаш 3 зарядым Пермь крайысе Чердынский кундемыште пудештареныт. Коми АССР деч 100 меҥге тораште.

Ер[тӧрлаташ]

Коми Республикыште моткоч шуко ер уло.Чылажге 78 тӱжем ер утла наре уло. Ландшафт ойыртем почеш тундровый, курыкысо, тайгасе, пойменныйлан шелалтыт. Шочмаш ойыртем почеш ледниковый, карстовый, торфяной, реликтовыйлан шелалтыт. Эн келге – курыкысо ер-влак (50 метр марте). Марий Элысе ял гай лӱмым Комиште ик ер нумалеш:

  • Кадам ер, кужыт – 4 меҥге наре, кумдык – 3,5 меҥге. Акрет жапыште ер верыште иян вӱдвер лийын. Кадам ерым «7 чудес Республики Коми» списокыш пуртымо.

Куп[тӧрлаташ]

Куп-влак 3,2 млн. гектарым айлат. Куп-влак мланде йымалсе вӱдым пойдарат, лавыран вӱдым эрыктат, ночкым погат. Куплаште тӱрлӧ кайык ила (ир лудо, ир комбо, тетерев, кулик, турня-кликун, тыгак янлык-влак купыш чӱчкыдын кочкаш коштыт – шордо, олень да т.м. Куп воктене морошка, голубика, клюква шуко кушкыт.

Мландейымалсе поянлык[тӧрлаташ]

Тиде мландыште шем шӱйым, нефтьым, газым, боксит-влакым, шӧртньым, алмаз-влакым луктыт.

Тимано-Печорский нефтегазоносный провинцийыште нефть 4 млрд.тонн наре уло, углеводородный газ-влак — 3 триллион кубический метр наре.

Кушкыл[тӧрлаташ]

Коми республикыште шуен вашлиялтше кушкыл ятыр уло. Йӱдвел-касвелне тундра кушкыл, кечывалвелнырак — чодыра-тундра, кечывалвелне — чодыра поянлык пӱртӱсым пойдара.

Тундраште пушеҥге-влак огыт куш, тӱҥ шотышто моко, лишайник, шуко ияш шудо кушкеш, карлик куэ (карликовая береза), йӱдвел вӱдуа (полярная ива), багульник вашлиялтеш. Чодыра-тундрышто (лесотундра) тундра кушкыл-влак дене пырля эше сибирьысе кож, куэ, лиственница кушкыт. Чодыра-тундра чодырашке, а вара тайгашке савырна. Чодыра ужашыште кож, пӱнчӧ, кедр, писте-влак тӱҥ шотышто кушкыт.

Пӱртӱсын тӱҥ поянлыкше тыште чодыра. Тудо мландыште вӱдым арала, айдемылан оксам ышташ йӧным пуа. Коми республикысе чодыра кумыдык — 29,7 млн. га

Чылажге Республикыште 2,8 млрд. м³ пу ора уло. Но чыла тиде поянлык дене пайдаланаш огеш лий. Южо чодыра-влак аралалтыт.

Янлык, кайык, кол[тӧрлаташ]

Коми Республикыште 4400 тӱрлӧ янлык ила, нунын коклаште шанчызе-влаклан тиддеч ончыч палыдыме кок вид уло: нематод да олигохет. Печоро да Вычегде эҥерлаште гына вашлиялтыт.

Вӱдыштӧ голец-палия, сибирский хариус, пелядь, ряпушка, таймень, бычок-подкаменщик, белоглазка, краснопёрка, чехонь, судак кол-влак улыт.

239 тӱрлӧ кайык ила (44 семемействе, 17 отряд). Йошкар Кнагашке кречет, сапсан, пӱркыт, орлан-белохвост, скопа, краснозобая казарка, пискулька да изи (тундряной) лебедь кайык-влакым пуртымо.

Тыгакак эше икмыняр кайыкым оролыман: лебедь-кликун, чыла шыл кочшо кайык-влак, тумна-влак, сур турня, кроншнеп, шӱшпык да т.м.

Кочкашлан ош куропаткым, глухарь, тетерев, рябчик, комбо, лудо-влакым, куликым, курмузакым кучылыт.


Климат[тӧрлаташ]

Теле кужу жап шуйна, йӱштӧ игече дене ойыртемалтеш. Кеҥеж – кӱчык, кечывалвелне – леве, йӱдвелне - юалгырак.

  • Шорыкйол тылзын южын кокласе температурыжо: −20 °C (йӱдвел ужашыште) да −17 °C (кечывалвел ужашыште)
  • Сӱрем тылзын кокласе температурыжо: +11 °C (йӱдвел ужашыште) и +15…+17 °C (кечывалвел ужашыште)
  • лум: идалыкыште 700 мм наре.


Коми Республикыште эн йӱштӧ вер-влак:

  • Сосногорск −45,3
  • Выльгорт,Сыктывкар −46,6
  • Ираёль −47,6
  • Усть-Вымь −48,1
  • Ухта −48,5
  • Мутный материк −49,5
  • Вуктыл −50,1
  • Усть-Кулом −50,3
  • Помоздино −50,6
  • Весляна −51,3
  • Койгородок −51,4
  • Усть-Цильме −51,5
  • Вендинга −51,9
  • Инта −52,1
  • Воркута −52,2
  • Елецкий,Окунев Нос −52,5
  • Корткерос −52,7
  • Кослан −53,4
  • Объячево −54,3
  • Печоро −54,7
  • Лёвкинская −55,1
  • Кедва-Вом −55,3
  • Якша −55,5
  • Ижме −55,7
  • Усинск −56,4
  • Кожим-Рудник −56,9
  • Тройчын-Печорск −57,6
  • Усть-Щугор −58,1

Шагат ӱштӧ[тӧрлаташ]

Коми Республик москосо жап дене ила. Российыште MSK кӱчыкемдымаш дене возалтеш, UTC деч + 4 шагатлан ойыртемалтеш. Коми Республикын касвел ужашыже (Сыктывкар ола дене пырля москосо жап деч ик шагатлан ойыртемалтеш (UTC+3).

Эртык[тӧрлаташ]

Кокласе курымлаште коми калыкын мландыже Новгородысо республикын кид йымалныже лийыныт, XV курымышто Москосо княжествыш пуреныт. Тӱҥ шотышто янлык коваштым тышеч наҥгаеныт. Йӱштӧ игече шогымылан да корно уке улмылан кӧра ты верыште калык шагал илен. XVIII курымышто Ухта эҥерыште нефтьым лукташ тӱҥальыч.

Промышленность кушмаш да калыкчот кугеммаш Коми Республикыште 1930—1950-ше ийлаште тӱҥалын, ГУЛАГын пашаж ден кылдалтын. 1930-ше ийла тӱҥалтышыште Коми мландыште мланде шӱйым муыныт, Кугу Ачаэл Сар тӱҥалме дене Донбассысе мланде шӱйым йомдарыме годым комисе мланде шӱй тудым алмаштен. Тунамак нефтьым, мланде шӱйым, пуым лукташлан УхтаПечороИнтаВоркута кӱртньыгорным 1942 ийыште пыштеныт. 1950-ше ийла мучашыште ГУЛАГ системым пытареныт, но тачат Коми республикыште шуко казамат кодын.

Совет Ушем шаланыме дене Коми республикысе промышленность чот пытен, сандене тышеч калык вес кундемлашке каен (1990—2007 ийлаште калыкчот 22 %-лан иземын).

Кызытсе Коми Республикын тӱҥ кече-влак:

Чапланымаш[тӧрлаташ]

Калык[тӧрлаташ]

Российысе Госкомстатын палдарымыж поче Коми Республикын калыкчотшо 880 639 еҥ (2013).

Калык-влак:

еҥ шотлымаш 1926 еҥ шотлымаш 1939 еҥ шотлымаш 1959 еҥ шотлымаш 1970 еҥ шотлымаш 1979 еҥ шотлымаш 1989 еҥ шотлымаш 2002 еҥ шотлымаш 2010[1]
Руш 13 731 (6,6 %) 70 226 (22,0 %) 389 995 (48,4 %) 512 203 (53,1 %) 629 523 (56,7 %) 721 780 (57,7 %) 607 021 (59,6 %) 555 963 (65,1 %)
Коми 191 245 (92,2 %) 231 301 (72,5 %) 245 074 (30,4 %) 276 178 (28,6 %) 280 798 (25,3 %) 291 542 (23,3 %) 256 464 (25,2 %) 202 348 (23,7 %)
Украин 34 (0,0 %) 6010 (1,9 %) 80 132 (9,9 %) 82 955 (8,6 %) 94 154 (8,5 %) 104 170 (8,3 %) 62 115 (6,1 %) 36 082 (4,2 %)
Суас 32 (0,0 %) 709 (0,2 %) 8459 (1,0 %) 11 906 (1,5 %) 17 836 (1,6 %) 25 980 (2,1 %) 15 680 (1,5 %) 10 779 (1,3 %)
Белорус 11 (0,0 %) 3323 (1,0 %) 22 339 (2,8 %) 24 706 (3,1 %) 24 763 (2,2 %) 26 730 (2,1 %) 15 212 (1,5 %) 8859 (1,0 %)
Немыч 15 (0,0 %) 2617 (0,8 %) 19 805 (2,5 %) 14 647 (1,8 %) 13 339 (1,2 %) 12 866 (1,0 %) 9246 (0,9 %) 5441 (0,6 %)
Моло 2246 (1,1 %) 4810 (1,5 %) 40 395 (5,0 %) 42 207 (4,4 %) 49 948 (4,5 %) 67 779 (5,4 %) 52 936 (5,2 %) 34 831 (2,7 %)[2]

Илымвер-влак[тӧрлаташ]

5 тӱжем еҥ утлааш илымвер-влак
2010 ийысе шотлымаш почеш[3]
Сыктывкар 254,5 Нижний Одес 9,6
Ухта 99,6
Воркута 95,8 Краснозатонский 8,6
Печоро 48,9 Жешарт 8,5
Усинск 42,3 Ярега 7,8
Сосногорск 27,8 Тройчын-Печорск 7,2
Инта 33,1 Визинга 7,1 (2003)
Емва 14,5 Водный 6,2
Вуктыл 12,3 Объячево 5,8 (2003)
Усть-Кулом 5,5 (2003)
Микунь 10,7 Усогорск 5,3
Выльгорт 10,2 (2003) Усть-Цильма 5,1 (2003)

Шеледымаш[тӧрлаташ]

Коми Республикын административ шеледымаш

1. Сыктывкар

2. Воркута

3. Инта

4. Усинск

5. Ухта

6. Вуктыл кундем

7. Ижме кундем

8. Княжпогост кундем

9. Койгород кундем

10. Корткерос кундем

11. Печоро кундем

12. Лузсер кундем

13. Сосногорск кундем

14. Сыктывдин кундем

15. Сысоло кундем

16. Тройчын-Печоро кундем

17. Удоро кундем

18. Усть-Вымь кундем

19. Усть-Кулом кундем

20. Усть-Цильме кундем

Кӱшыл шинчымашым погымо тӧнеж-влак[тӧрлаташ]

  • Сыктывкарысе кугыжаныш университет (Сыктывкар)
  • Ухтасе кугыжаныш техник университет]] (Ухта)
  • Комисе кугыжаныш педагогик институт]] (Сыктывкар)
  • Коми республиканская академия государственной службы и управления (Сыктывкар)
  • Сыктывкарысе чодыра институт

Палыме еҥ-влак[тӧрлаташ]

Палемдымаш-влак[тӧрлаташ]

  1. Информационные материалы об окончательных итогах Всероссийской переписи населения 2010 года
  2. Тыгак, 46 886 еҥ могай калык улмым палемден огыл.
  3. Росстат. Информационные материалы о предварительных итогах Всероссийской переписи населения 2010 года. Численность населения районов и городских населённых пунктов субъектов Российской Федерации

Кылвер-влак[тӧрлаташ]

Важ[тӧрлаташ]

  • Жеребцов И. Л. Где ты живёшь: Населённые пункты Республики Коми. Сыктывкар. 2000 ий.
  • Историко-культурный атлас Республики Коми. М. Дрофа.1997
  • Республика Коми. Энциклопедия в 3-х томах. Сыктывкар/Коми книжное издательство 1997, 1998, 1999 ийла; I, II, III - том
  • История Коми АССР (с древнейших времен до наших дней). Сыктывкар. Коми книжное издательство. 1978.

Кышкар:Коми Республик