ГАЗ-3307/3309

Википедий — эрыкан энциклопедий гыч материал

ГАЗ-3307/3309 - Российыште ыштен лукмо кокла нелытан грузовой автомашина влак. Бортовой карбюратор двигатель дене ГАЗ-3307 1989 ий гычын конвейер гыч лектын шога. ГАЗ-3309 турбодизель двигатель дене 1993 ий гычын. ГАЗ-3307 ончыч лектын шогышо ГАЗ-52/53 грузовик ешым алмаштен. Нуным 1993 ийыште лукмым чарненыт. ГАЗ-3307/3309 грузовой автомашинга -влакым тӱрлӧ корнышто грузым шупшыкташ келыштарыме улыт. Тиде грузовик ешыш эше 5 тонн нелытан дизель двигатель дене ГАЗ-4301 (1984-1994), 3 тоннан дизель двигатель дене ГАЗ- 3306 (1993-1995) пурат. 1999 ий гычын 2 але 2,3 тон нелытан корно уке верыште кудалышташ келыштарыме ГАЗ-3308 "Садко" (4×4), а 2005 ий гычын 4 тонн нелытан корно уке верыште кудалышташ келыштарыме ГАЗ-33086 "Земляк" лектын шога.

Эртымгорно[тӧрлаташ | кодым тӧрлаташ]

ХХ курымын 80-шо ийла тӱҥалтыште Газ-зз07 автомобильын проектшым ямдылыме годым шуко шапаш ужашым ГАЗ-52/53 автомобиль еш дечын налаш палемдыме улмаш. ТЫге автомобиль шулдо да ачалаш вашке йӧрышӧ лийшаш улмаш. Автомобиль утларак йоҥгыдо кок еҥлан келыштарыме кабиным налын. Руль виктарыме системышкат икымше гана российысе грузовик кокла гыч руль гидровий пура (ГУР). 4,5 тонн нелытан ГАЗ-3307 (4×2) 125 имне куатан ЗМЗ-511 двигатель дене грузовой автомашинам 1989 ий мучашыште серий дене лукташ тӱҥалме.

1992 ий гычын ГАЗ заводышто 5 тонн нелытан ГАЗ-4301 автомашинам серийно лукташ тӱҥалме. Тушко 6 цилиндран юж йӱкшымӧ йӧн дене келыштарыме двигательым шынденыт. Двигательын куатше-125 имне куатан лийын. Изи ойыртем-влакым ончыде ГАЗ-4301 ден ГАЗ-3307 модель-влак йоршеш икгае улыт. ГАЗ-4301 модельым 1994 ий марте серийно луктын шогеныт. Чылажге 28 158 тиде модель автомашинам лукмо.

1993 ий гычын ГАЗ-52 модельым алмаштыше грузовой ГАЗ-3306 автомашинан серийно лукташ тӱҥалме. Тушко 4 цилиндран, юж йӧн дене йӱкшышӧ дизель двигательым шынденыт. Тудын куатше 85 л.с. лийын. Грузо такси сынан ГАЗ-3306 грузовой автомашинам 1995 ий марте лутын шогеныт.

1994 ийыште ГАЗыште 4 цилиндран турбодизель ГАЗ-5441 двигательым лукташ тӱҥалыныт. Тудын куатше 115 л.с. лийын. Тиде двигательым ГАЗ-3309 у модельыш шындаш тӱҥалыныт. ГАЗ-3309 модель ГАЗ-3307 модель дечын лачак пурла могырысо юж труба дене веле ойыртемалтын. 1996 ийлан тиде модель йӧршеш карбюратор двигатель дене лектын шогышо ГАЗ-3307 модельым алмаштен. 1997 ийыште турбодизель двигатель дене лектын шогышо тиде модельым 2001 ий марте лукмым чарненынт. Тиде пагытыште уэш ГАЗ-3307 4,5 тонн нелытан карбюраторный двигателян автомашинам луктын шогеныт. НУ а теве 2001 ийыште ГАЗ завод белоруссийысе ММЗ Д-245.7 дизель двигательым уэш лукташ тӱҥалме ГАЗ-3309 модельышке шынденыт. Тиде двигатель эше ЗИЛ-5301 "Бычок" грузовой автомашинаште пашам ышта.

1999 ийыште ГАЗ-3309 модель негызеш 2 осян (4×4) ГАЗ-3308 "Садко" автомашинам армийлан тыгак граждан - влаклан келыштаарымым лукташ тӱҥалыныт.

2006 ий гычын ГАЗ-3307, ГАЗ-3309, ГАЗ-3308 автомобильлашке ЕВРО-2 экологий стандартлан келшыше дизель двигательым шындат, а 2008 ий гыч-Евро 3. ЗМЗ бензин двигатель дене нине модель-влакым официально лукмым чарныме.

2010 ий гычын кокла нелытан ГАЗ (4×2) грузовой автомашинаш ММЗ Д-245.7 Е-3 маркан дизель двигательым шындат. ГАЗ-33081 "Садко" ГАЗ-33086 "Земляк" модельышке ММЗ Д-245.7 Е-2 дизель двигательым. 2011 ийыште у ЯМЗ-534 але китайысе Cummins ISF дизель двигательым шындаш тӱҥалыт.

2008 ийысе ГАЗ-3307 карбюратор двигатель дене автомашинан характеристикыже[тӧрлаташ | кодым тӧрлаташ]

  • Двигатель
    • модель ЗМЗ-5231.10
    • тӱҥ ойыртем:

V-тӱкан, 8 цилиндр, бензин двигатель , вуд дене йӱкшымӧ йӧн, алюминий блок ден ГБЦ , Евро-3 стандарт.

    • паша кугыт- 4,67 л
    • куат л.с (кВт) / об/мин - 124 (91,2) / 3200-3400
    • нелыт - 275 кг
    • топливо: автомобильный бензин А-76 "Нормаль" / АИ-80 "Стандарт"

2008 ийысе ГАЗ-3309 дизель двигатель дене автомашинан характеристикыже[тӧрлаташ | кодым тӧрлаташ]

  • ДВигатель
    • одель- ММЗ Д-245.7Е3
    • тӱҥ ойыртем:

Ратан, 4 цилиндр, вӱд дене йӱкшымӧ йӧнан дизель двигатель, турбонаддув, топливым кӧргыш колтымо механизм, Евро-3 стандарт.

    • паша кугыт - 4,75 л
    • куат л.с (кВт) / об/мин - 122 (89,7) / 2400
    • нелыт - 430 кг
    • топливо: дизель топливо.

Заказ почеш тыгак двигательым пашаш колтымо деч ончыч ырыктыме оборудованийым шындаш лиеш.

Модификаций-влак[тӧрлаташ | кодым тӧрлаташ]

  • 33070 - шасси ден бортовой грузовик ЗМЗ-511/-513/-5233 карбюратор двигатель дене
  • 33072 - САЗ самосвал кузовлан шасси ЗМЗ-511/-513/-5233 карбюратор двигатель дене
  • 33073 - грузотакси
  • 33074 - кужемдыме шасси , КАвЗ-3976 автобуслан келыштарыме ЗМЗ-513 карбюратор двигатель дене
  • 33075 - шасси ден бортовой грузовик вишкыде нефть газ да АИ-80 бензин лан келыштарме биотопливо двигатель дене.
  • 33076 - шасси ден бортовой грузовик темдалме пӱртӱс газ да АИ-80 бензинлан келыштарыме биотопливо двигатель дене
  • 33090 - шасси ден бортовой грузовик ММЗ Д-245.7Е2 турбодизель дене
  • 33091 - 1,4 метрлан кужемдыме шасси ден бортовой грузовик ММЗ Д-245.7Е2 турбодизель дене
  • 33092 - 7 еҥлан келыштарыме дубль-кабинан шасси ММЗ Д-245.7Е2 турбодизель дене пожарный автомобильлан келыштарыме
  • 33094 - кужемдыме шасси , КАвЗ-397650 автобуслан келыштарыме
  • САЗ-3507-01 - кум могырыш ястаралтше самосвал кузов кугыт 5 кубометр, грузым наҥгаен кертме нелыт - 3,93 т.
  • "Добрыня" - ГАЗ-3309 модельын кужемдыме версийже (кужыт 7900 мм, колеса базе 4570 мм, грузым наҥгаен кертме нелыт 4 т) малаш келыштарыме вер дене йӧнан кабине, пластик спойлер, "Чайка-Сервис" фирмын тюнингше.

2000 ийыште ГАЗ-3307 ден 3309 шасси -влакым тӱрлӧ компаний-влак кучылташ тӱҥалыныт. Нине шассишке автофургоным, автоэвакуаторым моло спецтехникым шыҥдарат.