Абукаев-Эмгак, Вячеслав Александрович
 |
Тиде статьялан викификаций кӱлеш.
Тиде возымашым шотышко кондыман. Кузе у лаштыкым тӱҥалаш лаштыкым ончалын кертыда.
|
Вячеслав Абукаев-Эмгак (Абукаев Вячеслав Александрович) 5 январьыште 1959 ийыште Мишкан кундемысе Токтар ялыште кресаньык ешыште шочын. 6 ияш гыч школыште тунемаш тӱҥалын. 5 класс гыч "Ямде лий" газетыш юнкор семын возаш тӱҥалын. Кандаш классым пытарымек Чорай кыдалаш школышто тунемын.
1975 ий гыч МарКУ-со историй да филологий факультетыште шинчымашым поген.
1980 ий гыч "Ямде лий" газетын, "Ончыко" да "Пионер йӱк" журнал-влакын редакцийыштышт тыршен.
Пытартыш ийлаште М. Шкетан лӱмеш Марий кугыжаныш драме театрыште сылнымут пӧлкам вуйлатен шоген.
Вячеслав Абукаев-Эмгак 10 утла книгам савыктен луктын, шуко пьесыж почеш театрлаште спектакль-влакым шынденыт, 100 утла мурылан мутым возен, руш йылме гыч шуко кусарен шоген.
1990 ийыште Олык Ипай лӱмеш кугыжаныш премийын лауреатше лийын.
2006 ий гыч Марий Элын Калык писательже.
2007 ийыште С. Г. Чавайн лӱмеш кугыжаныш премийын лауреатше лийын.
29 майыште 2008 ийын тудын ӱмырже лугыч лийын. Тудым шочмо кундемыштыже тоеныт.
